പയ്യന്നൂര്‍: കമ്മ്യൂണിസ്റ്റ് കാരണവരും പ്രമുഖ സിനിമാ നടനുമായ ഉണ്ണികൃഷ്ണന്‍ നമ്പൂതിരിയെ തേടി മുഖ്യമന്ത്രി പിണറായി വിജയന്‍ കോറോം പുല്ലേരി വാധ്യാറില്ലത്തെത്തി. പോത്താങ്കണ്ടം ആശ്രമത്തിന്റെ പരിപാടിയില്‍ പങ്കെടുക്കാനായി പോകുന്ന വഴിയാണ് പിണറായി ഇന്നലെ വൈകുന്നേരം എത്തിയത്. സി.പി.എം ജില്ലാ സെക്രട്ടറി പി. ജയരാജന്‍, പയ്യന്നൂര്‍ ഏരിയാ സെക്രട്ടറി ടി.ഐ മധുസൂദനന്‍ എന്നിവരും ഒപ്പമുണ്ടായിരുന്നു.