നീലേശ്വരം: ബ്രേക്ക് തകരാറിനെ തുടര്‍ന്നു മംഗളൂരുവിലേക്കുള്ള പരശുറാം എക്‌സ്പ്രസ് ഇന്നലെ രാത്രി ഒരു മണിക്കൂറോളം നീലേശ്വരം റെയില്‍വേ സ്റ്റേഷനില്‍ പിടിച്ചിട്ടു. വൈകുന്നേരം 6.40ന് എത്തേണ്ടിയിരുന്ന 7.20ഓടെയാണ് നീലേശ്വരത്തെത്തിയത്. യാത്രക്കാര്‍ കയറി ട്രെയിന്‍ പുറപ്പെടാനൊരുങ്ങവെയാണ് തകരാര്‍ കണ്ടെത്തിയത്.
ലോക്കോപൈലറ്റ്, ഗാര്‍ഡ്, സ്റ്റേഷന്‍ ജീവനക്കാര്‍ എന്നിവര്‍ ചേര്‍ന്നു തകരാര്‍ പരിഹരിച്ചു 8.10ഓടെ ട്രെയിന്‍ യാത്ര തുടര്‍ന്നു.  ഇതിനിടെ ചെറുവത്തൂര്‍ സ്റ്റേഷനില്‍ എത്തിയ എഗ്മോര്‍ എക്‌സ്പ്രസ് അല്‍പനേരം പിടിച്ചിടേണ്ടി വന്നു.