മൂവാറ്റുപുഴ: എസ്.കെ.എസ്.എസ്.എഫ് ഇബാദിന്റെ ആഭിമുഖ്യത്തില്‍ ദ്വിദിന തസ്‌കിയത്ത് ക്യാംപിന് രണ്ടാര്‍കര എച്ച്.എം. ബി.എഡ്. കോളേജ് ഓഡിറ്റോറിയത്തില്‍ തുടക്കമായി.
ക്യാംപിന്റെ ഉദ്ഘാടനം എസ്.കെ.എസ്.എസ്.എഫ്. എറണാകുളം ജില്ലാപ്രസിഡന്റ് സെയ്യിദ് ഷെഫീക്ക് തങ്ങള്‍ നിര്‍വ്വഹിച്ചു. ആത്മസംസ്‌കരണമാണ് ഇബാദ് ക്യാമ്പിന്റെ ലക്ഷ്യമെന്നും, നിര്‍ബന്ധിത മതപരിവര്‍ത്തനം ഇസ്ലാം ഒരിക്കലും പ്രോത്സാഹിപ്പിക്കുന്നില്ലെന്നും അതിനുശ്രമിക്കുന്നവര്‍ തെറ്റായ പാതയിലൂടെയാണ് സഞ്ചരിക്കുന്നതെന്നും അദ്ദേഹം പറഞ്ഞു.
എസ്.വൈ.എസ്. ജില്ലാ വൈസ് പ്രസിഡന്റ് എം.എം. അലിയാര്‍ മാസ്റ്റര്‍ അദ്ധ്യക്ഷനായി. എസ്.കെ.എസ്.എസ്.എഫ്.  ജില്ലാ ജനറല്‍ സെക്രട്ടറി ഫൈസല്‍ കങ്ങരപ്പടി, ഇബാദ് എറണാകുളം ജില്ലാ കണ്‍വീനര്‍ ഡോ. ഫൈസല്‍ എം.എ., ഷെരീഫ് സാഹിബ് പൊന്നാനി, റഫീക്ക് ചെന്നൈ, ഷാജുഹു സമീര്‍ അസ്ഹലി, സാലിഹ് അന്‍വലി വണ്ണപ്പുറം, മുഹമ്മദ് റാഫി, സിദ്ദിഖ് ചിറപ്പാട്ട്, മുഹ്‌യിദ്ദീന്‍ ബാഖവി, മുഹമ്മദ് കാഞ്ഞിരക്കാട്ട് എന്നിവര്‍ ഉദ്ഘാടന സെക്ഷനില്‍ സംബന്ധിച്ചു. വിവിധ വിഷയങ്ങളെക്കുറിച്ചുള്ള ക്ലാസ്സുകള്‍ക്ക് പ്രമുഖ പണ്ഡിതര്‍ നേതൃത്വം നല്‍കി.