ദുബൈ: അന്താരാഷ്ട്ര ക്രിക്കറ്റ് കൗണ്‍സിലിന്റെ ടി20 റാങ്കിങില്‍ ഇന്ത്യന്‍ നായകന്‍ വിരാട് കോഹ്‌ലി ഒന്നാം റാങ്ക് നിലനിര്‍ത്തി. ആസ്‌ത്രേലിയയുടെ ആരോണ്‍ ഫിഞ്ച്, ന്യൂസിലന്‍ഡിന്റെ കെയ്ന്‍ വില്യംസന്‍ എന്നിവരാണ് രണ്ടും മൂന്നും സ്ഥാനങ്ങളില്‍.
അതേസമയം ബൗളര്‍മാരുടെ പട്ടികയില്‍ ജസ്പ്രിത് ബുമ്‌റ രണ്ടാം സ്ഥാനത്തെത്തി. 764 പോയിന്റോടെയാണ് ബുമ്‌റയുടെ നേട്ടം. പാകിസ്താന്റെ ഇമാദ് വാസിമാണ് ഒന്നാം സ്ഥാനത്ത്. 780 പോയിന്റ്ാണ് താരത്തിനുള്ളത്. ദക്ഷിണാഫ്രിക്കയുടെ ഇമ്രാന്‍ താഹിര്‍ മൂന്നാം സ്ഥാനത്തേക്ക് ഇറങ്ങി. ടീം റാങ്കിങില്‍ ഇന്ത്യ നാലാം സ്ഥാനത്താണ്.