പാണ്ടിക്കാട്: തെരുവുനായയുടെ ആക്രമണത്തില്‍ ആട് ചത്തു. കക്കുളം ഹൈസ്‌കൂള്‍പടിയിലെ വെള്ളാലി വീരാണിയുടെ ഭാര്യ റഹീമ വളത്തുന്ന ആടിനെയാണ് നായക്കൂട്ടം ആക്രമിച്ച് കൊന്നത്. പുരയിടത്തിലേക്ക് മേയാന്‍ വിട്ടിരുന്ന ആടിനെ നായ്ക്കൂട്ടം ആക്രമിക്കുകയായിരുന്നു. ആടിന്റെ കരച്ചില്‍ കേട്ട് വീട്ടുകാര്‍ ഓടിയെത്തിയെങ്കിലും ആടിന് ജീവന്‍ നഷ്ടമായിരുന്നു. കക്കുളം, പടാരകുന്ന്, പയ്യപറമ്പ് ഹൈസ്‌കൂള്‍ പരിസരം എന്നിവിടങ്ങളില്‍ ഈയിടെയായി അലഞ്ഞുനടക്കുന്ന നായ്ക്കളുടെ എണ്ണം കൂടിയിരിക്കുകയാണ്. വിദ്യാര്‍ഥികളടക്കമുള്ളവര്‍ക്ക് ഇത് ഭീഷണിയായിട്ടുണ്ട്.