ഇരിട്ടി: തലശ്ശേരി വളവുപാറ-കെ.എസ്.ടി.പി റോഡ് നവീകരണത്തിന്റെ ഭാഗമായി ഇരിട്ടി പൊലിസ് സ്റ്റേഷന്‍ മതില്‍ പൊളിച്ചുനീക്കല്‍ നടപടി വൈകുന്നു. മുന്‍വശത്തെ മതില്‍ പൊളിക്കാതെ ഇവിടുത്തെ അപകട വളവ് ഒഴിവാക്കാനാവില്ല. റോഡ് ഘടന പരിശോധിച്ചാണ് പൊലിസ് സ്റ്റേഷന്‍ മതിലില്‍ ഒരു ഭാഗം പൊളിക്കണമെന്ന് കെ.എസ്.ടി.പി നിര്‍ദേശിച്ചത്.
സ്റ്റേഷന്‍ പരിസരത്തെ സര്‍വേക്കല്ല് കണ്ടെത്തി വേണം മതില്‍ പൊളിക്കേണ്ട ഭാഗം അടയാളപ്പെടുത്താന്‍ കെ.എസ് .ടി.പിയിലെ സര്‍വേ വിഭാഗം സര്‍വേക്കല്ല് കണ്ടെത്തി സ്ഥലം അളന്നു സര്‍വ്വേ നടത്തിയിട്ടില്ല ഇതു കാരണമാണ് മതില്‍ പൊളിക്കാനുള്ള പ്രവര്‍ത്തനം വൈകുന്നതെന്നാണ് അറിയുന്നത്.പൊലിസ് സ്റ്റേഷന്‍ മതില്‍ കൂടി പൊളിച്ച് നീക്കി വളവ് നേരെയാക്കിയില്ലെങ്കില്‍ ഈ ഭാഗത്തെ റോഡ് നവീകരണവും ടാറിങ് പ്രവൃത്തികളും വൈകാനിടയാകും.