കൂത്തുപറമ്പ്: മാങ്ങാട്ടിടം കിണറ്റിന്റവിട പൂട്ടിയിട്ട വീട് കുത്തിത്തുറന്ന് മോഷണം. യു.എന്‍ പ്രേമചന്ദ്രന്റെ വീട്ടിലാണ് മോഷണം നടന്നത്. പ്രേമചന്ദ്രന്‍ കുടുംബസമേതം ഗള്‍ഫില്‍ താമസിച്ചു വരികയാണ്.
ഇന്നലെ രാവിലെ വീടിന്റെ മുന്‍വശത്തെ വാതില്‍ തുറന്നിട്ടതായി കണ്ടതിനെ തുടര്‍ന്ന് പരിസരവാസികള്‍ പ്രേമചന്ദ്രന്റെ ഭാര്യാപിതാവിനെ വിവരമറിച്ചു. ഇദ്ദേഹം വീട്ടിലെത്തിയപ്പോഴാണ് മോഷണവിവരമറിഞ്ഞത്. വീടിന്റെ പിന്‍ഭാഗത്തെ ഗ്രില്‍സിന്റെ പൂട്ട് കുത്തിപ്പൊളിച്ച നിലയിലാണ്. മുന്‍ഭാഗത്തെ വാതില്‍ തകര്‍ത്താണ് മോഷ്ടാക്കള്‍ അകത്തു കയറിയത്.
വീട്ടിലെ ടി.വി മോഷണം പോയിട്ടുണ്ട്. മുറികളിലെ തുണികള്‍ മുഴുവന്‍ വാരിവലിച്ചിടുകയും മുറികള്‍ നിറയെ മുളക് പൊടി വിതറുകയും ചെയ്തിട്ടുണ്ട്. സംഭവത്തെ തുടര്‍ന്ന് കൂത്തുപറമ്പ് പൊലിസും ഫോറന്‍സിക് വിദഗ്ദരും ഡോഗ് സ്‌ക്വോഡും സ്ഥലത്തെത്തി പരിശോധന നടത്തി. ഒരു മാസം മുന്‍പ് പരിസരത്തെ റിട്ട.
സുബേദാര്‍ മേജര്‍ ഹരീഷ് ബാബുവിന്റെ വീടിന്റെ വാതിലിന്റെ പൂട്ട് പൊളിച്ച് അകത്തുകയറി ഷോക്കേസില്‍ സൂക്ഷിച്ച സാധനങ്ങള്‍ മോഷ്ടിച്ചിരുന്നു.