കൊപ്പം: വിളയൂര്‍ ഗവണ്‍മെന്റ് ഹൈസ്‌കൂള്‍ പരിസരത്തുനിന്നും വീണുകിട്ടിയ സ്വര്‍ണാഭരണം പൊലിസിന് കൈമാറി മൂന്നാം ക്ലാസുകാരി മാതൃകയായി. ചെറുകര എം. ഐ. സി ഇംഗ്ലീഷ് മീഡിയം സ്‌കൂളിലെ മൂന്നാം ക്ലാസ് വിദ്യാര്‍ഥിനിയും വിളയൂര്‍ സ്വദേശി വി.ടി സൈദിന്റെ പേരമകളുമായ ഷിഹാന ഫാത്വിമയാണ് വീണുകിട്ടിയ സ്വര്‍ണാഭരണം പൊലിസിന് കൈമാറി മാതൃകയായത്.
ആഭരണം കിട്ടിയ ഉടനെ വീട്ടുകാരെ അറിയിക്കുകയും പിന്നീട് രക്ഷിതാവിനോടൊപ്പം കൊപ്പം പൊലീസ് സ്റ്റേഷനില്‍ ഏല്‍പിക്കുകയായിരുന്നു. ഷിഹാനയുടെ സല്‍പ്രവൃത്തി അഭിനന്ദനം അര്‍ഹിക്കുന്നതും മറ്റു കുട്ടികള്‍ മാതൃകയാക്കേണ്ടതുമാണെന്ന് ആഭരണം ഏറ്റുവാങ്ങികൊണ്ട് കൊപ്പം സബ് ഇന്‍സ്‌പെക്ടര്‍ എംബി രാജേഷ് അഭിപ്രായപ്പെട്ടു.
ആഭരണം നഷ്ടപ്പെട്ടവര്‍ തെളിവ് സഹിതം കൊപ്പം പൊലീസ് സ്റ്റേഷനുമായി ബന്ധപ്പെടണം.