തിരുപ്പൂര്‍: ആനമലൈ കടുവ സങ്കേതത്തില്‍ ആദിവാസി യുവാവിന് നേരെ കരടിയുടെ ആക്രമണം. അമ്മയും കുഞ്ഞുമായ രണ്ട് കരടികളാണ് ആക്രമിച്ചത്. കുരുമലൈ ഗ്രാമത്തിലെ കര്‍ഷകനായ ടി ശിവ (20)യേയാണ് കരടികള്‍ ആക്രമിച്ചത്.
ശിവ മറ്റ് രണ്ട് പേരുമായി വിറക് ശേഖരിക്കാന്‍ പോകുന്നതിനിടെയാണ് രണ്ട് കരടികള്‍ ഇവരെ ആക്രമിക്കാനായി ഓടിയെത്തിയതെന്നും സ്വയരക്ഷക്കായി മൂവരും ഓടിയെങ്കിലും ശിവയെ പിന്തുടര്‍ന്ന് കരടി ആക്രമിക്കുകയുമായിരുന്നുവെന്നും വനപാലകര്‍ പറഞ്ഞു. മറ്റ് രണ്ട്‌പേര്‍ കരടികളെ ഓടിച്ച് വിട്ട് ഇയാളെ രക്ഷിക്കുകയായിരുന്നു.
തുടര്‍ന്ന് പരുക്കേറ്റ ശിവയെ ഉടുമല്‍പേട്ട് സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ശിവയിപ്പോള്‍ ആശുപത്രിയില്‍ ചികിത്സയിലാണ്.