എരുമപ്പെട്ടി: വേലൂര്‍ പഴവൂരില്‍ നേന്ത്രവാഴത്തോട്ടം സാമൂഹ്യ വിരുദ്ധര്‍ വെട്ടി നശിപ്പിച്ചു.  കൊട്ടിലിങ്ങല്‍ ചന്ദ്രന്റെ തോട്ടത്തിലെ നാനൂറിലതികം വരുന്ന നേന്ത്രവാഴ തൈകളാണ് കടയോടെ വെട്ടിനശിപ്പിച്ചിട്ടുള്ളത്.  പാടശേഖരത്തിന് സമീപമുള്ള തോട്ടത്തില്‍ കഴിഞ്ഞ ദിവസം രാത്രിയിലാണ് സാമൂഹ്യ ദ്രോഹികള്‍ അക്രമം നടത്തിയത്. ഏകദേശം ഒന്നര ലക്ഷം രൂപയുടെ നഷ്ടം കണക്കാക്കുന്നു. എരുമപ്പെട്ടി എസ്.ഐ.മനോജ് കെ.ഗോപിയുടെ നേതൃത്വത്തില്‍ പോലീസ് സ്ഥലത്തെത്തി. ഗ്രാമപഞ്ചായത്ത് അംഗം എ.എസ്.ചന്ദ്രന്‍ ഉള്‍പ്പടെയുള്ള ജനപ്രതിനിധികളും പൊതു പ്രവര്‍ത്തകരും തോട്ടത്തില്‍ സന്ദര്‍ശനം നടത്തി. അക്രമകാരികളെ കണ്ടെ@ത്തി കര്‍ശന ശിക്ഷാ നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.