ചാവക്കാട്: പകര്‍ച്ചവ്യാധികള്‍ പടര്‍ന്നു പിടിക്കുന്നസാഹചര്യത്തില്‍ ബ്ലോക്ക് പഞ്ചായത്തിലെ വിവിധ പ്രദേശങ്ങള്‍ ബ്ലോക്ക് പഞ്ചായത്ത്  നേതാക്കള്‍ സന്ദര്‍ശിച്ചു.
 പുന്നയൂര്‍, പുന്നയൂര്‍ക്കുളം, ഒരുമനയൂര്‍, കടപ്പുറം പഞ്ചായത്തുകളിലെ വെള്ളക്കെട്ടില്‍ ദുരിതത്തിലായ പ്രദേശങ്ങളുള്‍പ്പടെ ചാവക്കാട് ബ്ലോക്ക് പഞ്ചായത്ത് പ്രസിഡന്റ് ഉമ്മര്‍ മുക്കണ്ടത്ത്, വികസന സ്റ്റാന്റിങ് കമ്മിറ്റി ചെയര്‍മാന്‍ എം.എ അബൂബക്കര്‍ ഹാജി എന്നിവരുടെ നേതൃത്വത്തിലാണ് സന്ദര്‍ശനം നടത്തിയത്.
മഴക്കാല രോഗ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കാന്‍ കഴിഞ്ഞ ദിവസം തൃശൂരില്‍ ചേര്‍ന്ന യോഗത്തില്‍ മന്ത്രി ത്രിതല പഞ്ചായത്ത് ഭാരവാഹികള്‍ക്ക് നിര്‍ദേശം നല്‍കിയിരുന്നു. ഇതേ തുടര്‍ന്നായിരുന്നു സന്ദര്‍ശനം. കനത്ത മഴയെ തുടര്‍ന്ന് വെള്ളക്കെട്ട് രൂക്ഷമായ കടപ്പുറം പഞ്ചായത്തിലെ വട്ടേക്കാട്, പുന്നയൂര്‍ പഞ്ചായത്തിലെ വെട്ടിപ്പുഴ, പുന്നയൂര്‍ക്കുളം പഞ്ചായത്തിലെ പനന്തറ മേഖലകളില്‍ സംഘം സന്ദര്‍ശനം നടത്തി. ഒരുമനയൂര്‍ പഞ്ചായത്തിലെ ഫെറി റോഡ് മേഖലയില്‍ പകര്‍ച്ച പനി വ്യാപകമായ സാഹചര്യത്തില്‍ മേഖലയില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കാനുള്ള ശ്രമങ്ങള്‍  ആരംഭിച്ചതായി സംഘം പറഞ്ഞു.
സംഘം നടത്തിയ സന്ദര്‍ശനത്തില്‍ ഞായറാഴ്ച്ച ഒരുമനയൂര്‍ പഞ്ചായത്തിലെ തൈക്കടവിലുള്ള െ്രെപമറി ഹെല്‍ത്ത് സെന്റര്‍ അടഞ്ഞുകിടക്കുന്നതാണ് കണ്ടത്. മഴക്കാല രോഗങ്ങള്‍ കൊണ്ട് ജനം പൊറുതിമുട്ടവെ െ്രെപമറി ഹെല്‍ത്ത് സെന്റര്‍ പോലുള്ള ആതുരാലയങ്ങള്‍ തുറക്കാത്ത ഉദ്യോഗസ്ഥരുടെ നടപടിക്കെതിരേ കര്‍ശന നടപടി സ്വീകരിക്കണമെന്നും െ്രെപമറി ഹെല്‍ത്ത് സെന്റര്‍ സ്ഥിരമായി തുറന്നു പ്രവര്‍ത്തിപ്പിക്കുന്നതിനുള്ള നടപടികള്‍ കൈക്കൊള്ളണമെന്നും ബ്ലോക്ക് പഞ്ചായത്ത് സംഘം ഡി.എം.ഒ യോട് ആവശ്യപ്പെട്ടു.
വിവിധ മേഖലകളിലെത്തിയ സംഘം നാട്ടുകാരുടെ പരാതികള്‍ കേട്ടു.  ബ്ലോക്ക് പഞ്ചായത്ത് അംഗം ആലത്തയില്‍ മൂസയും സംഘത്തിലുണ്ടായിരുന്നു.