പാരിസ്: ഫ്രഞ്ച് തലസ്ഥാനത്തെ പാരിസ് മെട്രോയില്‍ അമ്മക്ക് സുഖപ്രസവം. തലസ്ഥാനത്തെ ഗതാഗത അധികൃതരാണ് ഇക്കാര്യം അറിയിച്ചത്. നഗരത്തിന്റെ കിഴക്കു ഭാഗത്തെ ഗ്ലാസിയര്‍ സ്റ്റേഷനിലായിരുന്നു സംഭവം. പാരീസ് ഗതാഗത അതോറിറ്റി പ്രസവ ശുശ്രൂഷക്ക് വേണ്ട എല്ലാ കാര്യങ്ങളും ചെയ്ത ഡോക്ടര്‍ക്ക് നന്ദി പറഞ്ഞു. തുടര്‍ന്നുള്ള പരിപാലനത്തിനായി അമ്മയെയും കഞ്ഞിനെയും പാരിസ് ഹോസ്പിറ്റലില്‍ പ്രവേശിപ്പിച്ചു. ഉസ്മാനെ എന്നാണ് കുട്ടിക്ക് പേര് നല്‍കിയതു. ഉസ്മാന്റെ 25 പിറന്നാള്‍ വരെ യാത്ര സൗജന്യമായിരിക്കുമെന്നു ഗതാഗത അതോറിറ്റി ആര്‍.എ.ടി.പി ട്വീറ്ററില്‍ കുറിച്ചു. പാരിസിലെ ഗതാഗത ശൃംഖലയില്‍ കുഞ്ഞു ജനിക്കുന്നത് ആദ്യമായല്ല. കഴിഞ്ഞ ജൂണിലും ഒരു അമ്മ റെറെ മെട്രോ ലൈനില്‍ കുട്ടിക്ക് ജന്മം നല്‍കിയിരുന്നു.