ലോകത്ത് ഇന്റര്‍നെറ്റ് സ്വാതന്ത്ര്യം കുറഞ്ഞു
ഇസ്‌ലാമാബാദ്: തുടര്‍ച്ചയായ ഒന്‍പതാമത്തെ വര്‍ഷവും പാകിസ്താന്‍ ഇന്റര്‍നെറ്റ് ഉപയോഗ സ്വാതന്ത്ര്യം തീരെ കുറവുള്ള രാജ്യങ്ങളുടെ പട്ടികയില്‍.
ചൈന, വിയറ്റ്‌നാം എന്നിവയാണ് പാകിസ്താനു മുന്നിലുള്ളത്. അന്താരാഷ്ട്ര സംഘടനയായ ഫ്രീഡം ഹൗസ് പുറത്തിറക്കിയ നെറ്റ് സ്വാതന്ത്ര്യം എന്ന റിപ്പോര്‍ട്ടിലാണ് പാകിസ്താന്‍ നെറ്റ് സ്വാതന്ത്ര്യം തീരെ കുറവുള്ള രാജ്യങ്ങളില്‍ മൂന്നാം സ്ഥാനത്തായത്.
'സാമൂഹ്യമാധ്യമ പ്രതിസന്ധി' എന്ന തലക്കെട്ടിലുള്ള റിപ്പോര്‍ട്ടില്‍ 2018 ജൂണിനും 2019 ജൂലൈക്കുമിടയില്‍ ലോകത്ത് ഇന്റര്‍നെറ്റ് സ്വാതന്ത്ര്യം കുറഞ്ഞതായി വെളിപ്പെടുത്തുന്നു.