ഹരിപ്പാട്: തെരുവ് നായ ശല്യം രൂക്ഷമായി. ഏഴ് പേര്‍ക്ക് കടിയേറ്റു.ഹരിപ്പാട് സ്വദേശികളായ പരമേശ്വരന്‍ (62), അശ്വിന്‍ (26), ചന്ദ്ര മോഹന്‍ (66), ചെറുതന സ്വദേശികളായ അയ്യപ്പന്‍ (59), കമലന്‍ (49) കരുവാറ്റ സ്വദേശി ഷെഫീക്ക് (26), താമല്ലാക്കല്‍ സ്വദേശി ഉത്തമന്‍ (60) എന്നിവര്‍ക്കാണ് നായയുടെ കടിയേറ്റത്.
ബുധനാഴ്ച രാത്രി 10 ന് ടൗണ്‍ ഹാള്‍ ജംഗ്ഷന് സമീപം വെച്ചായിരുന്നു തെരുവ് നായകളുടെ ആക്രമണം. കടിയേറ്റവരെല്ലാം താലൂക്ക് ആശുപത്രിയില്‍ ചികിത്സ തേടി. തെരുവ് നായകളുടെ ശല്യമേറുന്നതും, ആക്രമണങ്ങളും പതിവായിട്ടും ഇവയെ നിയന്ത്രിക്കാന്‍ യാതൊരു നടപടികളും അധികൃതരുടെ ഭാഗത്ത് നിന്നും ഉണ്ടായിട്ടില്ല. ഭക്ഷണാവശിഷ്ടങ്ങളും മാലിന്യങ്ങളും റോഡരികിലും, പൊതുസ്ഥലങ്ങളിലും തള്ളുന്നതാണ് തെരുവുനായകള്‍ റോഡരികില്‍ തമ്പടിക്കാന്‍ പ്രധാനകാരണം.