വിയന്ന: മുന്‍കാലങ്ങളില്‍ നിന്നു വ്യത്യസ്തമായി ചുവന്ന മാനുകള്‍ പതിവിലും നേരത്തെ പ്രസവിക്കുന്നതായി ഗവേഷകര്‍. കാലാവസ്ഥയ്ക്ക് ചൂടുകൂടുന്നത് ഇവയുടെ ജീനില്‍ മാറ്റങ്ങളുണ്ടാക്കുന്നുവെന്നാണ് കണ്ടെത്തല്‍.
ആസ്‌ത്രേലിയയിലെ ദേശീയ സര്‍വകലാശാലയിലെ ഗവേഷകര്‍ ഇതിനായി സ്‌കോട്ട്‌ലാന്റിലെ റം ദ്വീപിലുള്ള മാന്‍കൂട്ടങ്ങളെയാണ് പഠനവിധേയമാക്കിയത്. പെണ്‍മാനുകള്‍ ലൈംഗിക പ്രായപൂര്‍ത്തിയെത്തുന്നത് രണ്ടുവയസോടെയാണ്. ഏഴു മാസം കുഞ്ഞിനെ ഗര്‍ഭം ധരിക്കുകയും ചെയ്യുന്നു. വര്‍ഷത്തില്‍ ഒരു കുഞ്ഞിനെയേ ഇവ പ്രസവിക്കാറുള്ളൂ. എന്നാല്‍, 1980 മുതല്‍ ഓരോ പത്തുവര്‍ഷത്തിലും ഇവ മൂന്നുദിവസം നേരത്തെ പ്രസവിക്കുന്നതായാണ് ഗവേഷകര്‍ കണ്ടെത്തിയിരിക്കുന്നത്. യു.എസിലെ പ്ലോസ് ജേണലിലാണ് ഈ പഠനം പ്രസിദ്ധീകരിച്ചിരിക്കുന്നത്.