മലയിന്‍കീഴ്: കൊല്ലം പരവൂരില്‍ ബുധനാഴ്ച കായലില്‍  മരിച്ച നിലയില്‍ കണ്ടെത്തിയ യുവാവിന്റെ ജഡം മലയിന്‍കീഴില്‍ നിന്നും കാണാതായ യുവാവിന്റേതാണെന്ന് പൊലിസ്. ഇത് മലയിന്‍കീഴ് പൊറ്റയില്‍ സ്വദേശി ശംഭു(27) വിന്റെ ജഡമാണെന്ന് പൊലിസ് സ്ഥിരീകരിച്ചു. ശംഭുവിനെ കാണാനില്ലെന്ന് കാട്ടി ബന്ധുക്കള്‍ പൊലിസില്‍ പരാതി നല്‍കിയിരുന്നു.
കൂലി വേലക്കാരനായ ശംഭു ജോലി അന്വേഷിച്ചു പോകുന്നു എന്നു പറഞ്ഞാണ് വീട്ടില്‍ നിന്നും യാത്രയായത്. എന്നാല്‍ ദിവസങ്ങള്‍കഴിഞ്ഞിട്ടും തിരിച്ചു വന്നില്ല. തുടര്‍ന്നാണ് പരാതി നല്‍കിയത്. അതിനിടെയാണ് ഇന്നലെ പരവൂര്‍ കായലില്‍   നിന്നും ജഡം കണ്ടെത്തിയതും. മൃതദേഹം മോര്‍ച്ചറിയില്‍ സൂക്ഷിച്ചിരിക്കുകയാണ്. പൊലിസ് നടത്തിയ അന്വേഷണത്തിലാണ് മൃതദേഹം ശംഭുവിന്റേതാണെന്ന് അറിയുന്നത്. യുവാവിന്റെ വിവാഹം നിശ്ചയിച്ചിരിക്കുകയായിരുന്നു.