കോവളം: വിഴിഞ്ഞം കല്ലുവെട്ടാന്‍ കുഴിയില്‍ വീട്ടമ്മയെ കടന്നുപിടിച്ച ഇതരസംസ്ഥാന തൊഴിലാളിയെ നാട്ടുകാര്‍ പിടികൂടി പൊലിസിന് കൈമാറി. വെസ്റ്റ് ബംഗാല്‍ സ്വദേശി ഉമേഷ് കുമാര്‍ മാജി (28) ആണ് പിടിയിലായത്.
ഇന്നലെ വെളുപ്പിന് 5.30നാണ് സംഭവം. ആഹാരം പാചകം ചെയ്തു കൊണ്ടിരുന്ന 38 കാരിയായ വീട്ടമ്മയെ പ്രതി അടുക്കളയില്‍ കയറി കടന്നുപിടിക്കുകയായിരുന്നു. യുവതിയുടെ നിലവിളി കേട്ടെത്തിയ ഭര്‍ത്താവും നാട്ടുകാരും പ്രതിയെ പിടികൂടി പൊലിസിന് കൈമാറുകയായിരുന്നു. ഇയാള്‍ കോവളം ബൈപാസ് നിര്‍മാണ കമ്പനിയിലെ ജീവനക്കാരനാണ്. പ്രതിയെ റിമാന്‍ഡ് ചെയ്തു.