തിരുവനന്തപുരം: രാജ്യത്ത് ബീഫ് കൈവശം വച്ചുവെന്ന് ആരോപിച്ച് കൊലപാതകം നടത്തുന്നവര്‍ക്കെതിരേ ശക്തമായ പ്രതിഷേധവുമായി സോഷ്യല്‍ മീഡിയ കൂട്ടായ്മ പ്രതിഷേധിച്ചു.
സിറ്റീസണ്‍ പ്രൊട്ടസ്റ്റ് എന്നു പേരിട്ട കൂട്ടായ്മയില്‍ നിരവധി പേര്‍ പങ്കെടുത്തു. എന്തു ഭക്ഷണം കഴിക്കണമെന്ന സ്വാതന്ത്ര്യം ജനങ്ങള്‍ക്കുണ്ടെന്നും വര്‍ഗീയ ആക്രമണങ്ങള്‍ അവസാനിപ്പിക്കണമെന്നും കൂട്ടായ്മ ആവശ്യപ്പെട്ടു.
അന്‍പതോളം സ്ത്രീകളും പുരുഷന്മാരും പ്ലക്കാര്‍ഡുകളേന്തിയാണ് പ്രതിഷേധം സംഘടിപ്പിച്ചത്. കഥകള്‍ പറഞ്ഞും കവിതകള്‍ ചൊല്ലിയുമാണ് കേന്ദ്ര സര്‍ക്കാരിനെതിരേ രാഷ്ട്രീയം മറന്ന് പ്രതിഷേധിച്ചത്.