ചാലിയം: സ്‌നേഹവും കാരുണ്യവുമാണ് മുസ്‌ലിം ലീഗ് രാഷ്ട്രീയത്തിന്റെ മുഖമുദ്രയെന്ന് സംസ്ഥാന വൈസ് പ്രസിഡന്റ് എം.സി മായിന്‍ ഹാജി. കടലുണ്ടി പഞ്ചായത്ത് മുസ്‌ലിം ലീഗ് പൊതുയോഗത്തിന്റെയും ടി.കെ.ബി ട്രസ്റ്റിന്റെ സഹകരണത്തോടെയുള്ള കുടിവെള്ള പദ്ധതിയുടെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
ലീഗിന്റെ കാരുണ്യ പ്രവര്‍ത്തനങ്ങള്‍ വിഭാഗീയമല്ല. ജാതിയോ മതമോ രാഷ്ട്രീയമോ നോക്കാതെയാണ് പ്രവൃത്തികള്‍ ചെയ്യുന്നതെന്നും അദ്ദേഹം കൂട്ടിച്ചേര്‍ത്തു. പഞ്ചായത്ത് മുസ്‌ലിം ലീഗ് പ്രസിഡന്റ് കാസിം ചാലിയം അധ്യക്ഷനായി. ദേശീയ നിര്‍വാഹക സമിതിയംഗം ഷാഫി ചാലിയം മുഖ്യ പ്രഭാഷണം നടത്തി.
മണ്ഡലം ലീഗ് ജനറല്‍ സെക്രട്ടറി എം. മുഹമ്മദ് കോയ ഹാജി, ട്രസ്റ്റ് അംഗം അസീസ്, എന്‍ .കെ ബിച്ചിക്കോയ, എ. അഹമ്മദ് കോയ, ഷാഹുല്‍ ഹമീദ് പട്ടത്താനം, സി.വി ബാവ, ടി.സി ബാവ, സൈനുല്‍ ആബിദീന്‍ തങ്ങള്‍, എം. ഷഹര്‍ബാന്‍, എ അബ്ദുല്‍ ഖാദര്‍, ബാപ്പാസ് അസീസ്, കെ.പി ജലീല്‍, സി.അഷറഫ്, സബൂനജലീല്‍, ആയിശാ ബീവി, ഷാഹിന തുടങ്ങിയവര്‍ സംസാരിച്ചു.