കൂടരഞ്ഞി: മുറ്റം നിറയെ ഔഷധ സസ്യങ്ങളും ചെടികളും മരങ്ങളും വളര്‍ത്തി വാര്‍ധക്യത്തിലും യൗവനത്തിന്റെ ഉന്‍മേഷവുമായി ഒരു വയോധികന്‍.
വാര്‍ധക്യം വിശ്രമിക്കാനല്ലെന്നും പുതിയ അറിവുകള്‍ നേടാനുള്ളതുമാണെന്ന് വിശ്വസിച്ച് പ്രവൃത്തിക്കുന്ന കൂടരഞ്ഞി കൂമ്പാറ പുളിമൂട്ടില്‍ ജയിംസാണ് നാട്ടുകാര്‍ക്കും ആവേശമാകുന്നത്. 26 ഇനം ഔഷധ സസ്യങ്ങളും പൂച്ചെടികളും ഉള്‍പ്പെടെ പച്ചപ്പും നിറവര്‍ണങ്ങളുമായി ജയിംസിന്റെ വീട്ടുമുറ്റം എപ്പോഴും നിറഞ്ഞിരിക്കും.പുതിയ അറിവുകള്‍ നേടാന്‍ കൃഷി വിജ്ഞാന കേന്ദ്രങ്ങളുമായി സജീവ ബന്ധം പുലര്‍ത്തുന്ന ഇദ്ദേഹത്തിന്റെ വീട്ടുവളപ്പില്‍ റമ്പൂട്ടാന്‍, മാങ്കോസ്റ്റിന്‍, ബറാബറ, സ്റ്റാര്‍ ഫ്രൂട്ട് മുതലായ ഫലവൃക്ഷങ്ങളും വിവിധയിനം പച്ചക്കറിക്കൃഷികളുമുണ്ട്.
വീടിനു പിറകിലുള്ള തിപ്പലി കൃഷി, മുട്ടക്കോഴി വളര്‍ത്തല്‍, തേനീച്ച കൃഷി എന്നിവ വരുമാനദായകവുമാണെന്ന് ജയിംസ് പറയുന്നു.