കോഴിക്കോട്: ഉരുള്‍പൊട്ടല്‍, പ്രളയം തുടങ്ങിയ ദുരിതങ്ങളുണ്ടാകുമ്പോള്‍ അവ ദൈവിക പരീക്ഷണമായി കണ്ട് ക്ഷമിക്കുകയാണ് വേണ്ടതെന്ന് സയ്യിദ് സാദിഖലി ശിഹാബ് തങ്ങള്‍ പറഞ്ഞു. സമസ്ത പ്രളയക്കെടുതി പുനരധിവാസ പദ്ധതിയില്‍നിന്ന് കോഴിക്കോട് ജില്ലയിലെ അര്‍ഹര്‍ക്കുള്ള സാമ്പത്തിക സഹായ വിതരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എം.ടി അബ്ദുല്ല മുസ്‌ലിയാര്‍ അധ്യക്ഷനായി. മുസ്തഫ മുണ്ടുപാറ, കെ. മരക്കാര്‍ ഹാജി, എന്‍ജിനീയര്‍ പി. മാമുക്കോയ ഹാജി, നവാസ് പൂനൂര്‍ സംസാരിച്ചു. കെ. മോയിന്‍കുട്ടി മാസ്റ്റര്‍ സ്വാഗതവും കെ. ഹംസക്കോയ നന്ദിയും പറഞ്ഞു. കഴിഞ്ഞ ഓഗസ്റ്റില്‍ സംസ്ഥാനത്തുണ്ടായ പ്രളയത്തില്‍ തകര്‍ന്നതും കേടുപാടുകള്‍ പറ്റിയതുമായ പള്ളികള്‍, മദ്‌റസകള്‍, സ്ഥാപനങ്ങള്‍ എന്നിവ പുനഃസ്ഥാപിക്കുന്നതിനും ദുതിരബാധിതരെ സഹായിക്കുന്നതിനുമാണ് സമസ്ത പ്രളയക്കെടുതി പുനരധിവാസ പദ്ധതി രൂപീകരിച്ചത്.