താനൂര്‍: അഞ്ചുടിയില്‍ യൂത്ത് ലീഗ് പ്രവര്‍ത്തകന്‍ ഇസ്ഹാഖിനെ കൊലപ്പെടുത്തിയ കേസില്‍ രണ്ടുപേരെക്കൂടി അറസ്റ്റ് ചെയ്തു. ഏനീന്റെപുരയ്ക്കല്‍ അഫ്‌സല്‍ (24), ചേക്കുമരക്കാരകത്ത് ശര്‍ഷീദ് (21) എന്നിവര്‍ താനൂര്‍ റെയില്‍വേ സ്റ്റേഷനില്‍ വച്ചാണ് അറസ്റ്റിലായത്. ഇതോടെ ഇസ്ഹാഖ് വധക്കേസിലെ ഒന്‍പതുപേരും അറസ്റ്റിലായി.
നേരത്തെ പിടികൂടിയവരെ ചോദ്യം ചെയ്തതില്‍ അക്രമിക്കാനുപയോഗിച്ച ആയുധങ്ങള്‍ കണ്ടെത്തിയിരുന്നു. ഒന്‍പത് പ്രതികളാണ് ഇസ്ഹാഖിനെ കൊലപ്പെടുത്തിയതെന്ന് പൊലിസ് പറഞ്ഞിരുന്നു. ഒക്ടോബര്‍ 24 വ്യാഴാഴ്ച രാത്രി ഏഴരയോടെയാണ് ഇസ്ഹാഖിനെ വെട്ടിക്കൊലപ്പെടുത്തിയത്.