ലണ്ടന്‍: പ്രമുഖ ബ്രിട്ടീഷ് ചലച്ചിത്ര സംവിധായകന്‍ നിക്കോളാസ് റോഗ് (90) അന്തരിച്ചു. ഏറെ കോളിളക്കം സൃഷ്ടിച്ച സൈക്കോ ത്രില്ലര്‍ ചിത്രം 'ഡോണ്ട് ലുക്ക് നൗ'യുടെ സംവിധായകനാണ്. 1973ല്‍ പുറത്തിറങ്ങിയ ചിത്രത്തിലെ ഗ്രാഫിക് ലൈംഗികരംഗങ്ങള്‍ ഏറെ വിവാദമായിരുന്നു. സയന്‍സ് ഫിക്ഷന്‍ ചിത്രമായ 'ദി മാന്‍ വു ഫെല്‍ ടു എര്‍ത്ത് ', പെര്‍മോമന്‍സ് മറ്റു ശ്രദ്ധേയ ചിത്രങ്ങളാണ്. 1928ല്‍ വടക്കന്‍ ലണ്ടനിലെ സെന്റ് ജോണ്‍സ് വുഡില്‍ ജനിച്ച നിക്കോളാസ് റോഗ് തന്റെ ഇരുപതുകളില്‍ ചായക്കാരന്റെ വേഷത്തിലാണ് ചലച്ചിത്രരംഗത്തെത്തുന്നത്.