തിരൂര്‍: ക്വാര്‍ട്ടേഴ്‌സില്‍നിന്നുള്ള കക്കൂസ് മാലിന്യം ഓടയിലേക്കു തള്ളുന്നതായി പരാതി. താനാളൂര്‍ പഞ്ചായത്തിലെ മീനടത്തൂര്‍ മൂന്നാംമൂല  വടക്കെപ്പാട് ഇടവഴി റോഡിനു പരിസരത്തുള്ള  ക്വാര്‍ട്ടേഴ്‌സില്‍നിന്ന് ഓടയിലേക്ക് കക്കൂസ് മാലിന്യം തള്ളുന്നതായി നാട്ടുകാര്‍ പഞ്ചായത്ത് സെക്രട്ടറിക്കു നേരത്തെ പരാതി  നല്‍കിയിരുന്നു. തുടര്‍ന്നു പഞ്ചായത്ത് അധികൃതര്‍ കഴിഞ്ഞ ദിവസം സ്ഥലത്തു പരിശോധന നടത്തി.
കക്കൂസ് മാലിന്യമടക്കം ഓടയിലേക്കു തള്ളുന്നതായി ഉദ്യോഗസ്ഥര്‍  കണ്ടെത്തി. സമീപത്തെ ക്വാര്‍ട്ടേഴ്‌സില്‍ താമസിച്ചിരുന്ന അധ്യാപകന്‍ ഛര്‍ദ്ദിയും വയറിളക്കവും പിടിപെട്ട് ഈയിടെ മരിച്ചിരുന്നു. ഈ സാഹചര്യത്തിലാണ് അടിയന്തിര നടപടി ആവശ്യപ്പെട്ടു നാട്ടുകാര്‍  രംഗത്തെത്തിയിരിക്കുന്നത്.