തിരൂര്‍: ഉണ്യാലില്‍ ഒരിടവേളയ്ക്കു ശേഷം വീണ്ടും സംഘര്‍ഷം. സംഘര്‍ഷത്തെ തുടര്‍ന്നു മുസ്‌ലിംലീഗ് പ്രവര്‍ത്തകനു പരുക്കേറ്റു. ഉണ്യാല്‍ സ്വദേശി പുത്തന്‍പുരയില്‍ അക്ബറിനാണ് പരുക്കേറ്റത്.
കൈവിരലിനു വെട്ടേറ്റ അക്ബറിനെ തിരൂര്‍ ജില്ലാ ആശുപത്രിയിലും പിന്നീട് കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചു. ഇന്നലെ രാത്രി 9.30നു ശേഷമാണ് സംഭവം. വീട്ടിലേക്കുള്ള സാധനങ്ങള്‍ വാങ്ങാനായി ഉണ്യാല്‍ അങ്ങാടിയലെത്തിയ അക്ബറിനെ ഒരുസംഘമാളുകള്‍ അക്രമിക്കുകയായിരുന്നു. സംഭവത്തിനു പിന്നില്‍ സി.പി.എം പ്രവര്‍ത്തകരാണെന്നു മുസ്‌ലിംലീഗ് ആരോപിച്ചു.