മലപ്പുറം: കേന്ദ്ര ഫീല്‍ഡ് പബ്ലിസിറ്റി ഡയറക്ടറേറ്റ് കേന്ദ്ര സര്‍ക്കാരിന്റെ വികസന, ക്ഷേമ പദ്ധതികളെക്കുറിച്ചു ത്രിദിന ബോധവല്‍ക്കരണ ജില്ലാതല ശില്‍പശാല തുടങ്ങി. പുഴക്കാട്ടിരി ആര്‍.കെ ഓഡിറ്റോറിയത്തില്‍ ടി.എ അഹമ്മദ് കബീര്‍ എം.എല്‍.എ ഉദ്ഘാടനം ചെയ്തു. പുഴക്കാട്ടിരി ഗ്രാമപഞ്ചായത്ത് പ്രസിഡന്റ് പി.കെ ജയറാം അധ്യക്ഷനായി.
ബ്ലോക്ക് പഞ്ചായത്ത് പ്രസിഡന്റ് എ. സഹീദ മുഖ്യപ്രഭാഷണം നടത്തി. കേന്ദ്ര ഫീല്‍ഡ് പബ്ലിസിറ്റി റീജ്യണല്‍ ഡയറക്ടര്‍ എ. സുബ്രഹ്മണ്യന്‍, പാലക്കാട് ഫീല്‍ഡ് പബ്ലിസിറ്റി ഓഫിസര്‍ എം. സ്മൃതി, അസി. ഓഫിസര്‍ സി. സായിനാഥ് സംസാരിച്ചു. ശുചിത്വകേരളം എന്ന വിഷയത്തില്‍ ശുചിത്വമിഷന്‍ കോഡിനേറ്റര്‍ പ്രീതിയും മാലിന്യവും പകര്‍ച്ചവ്യാധികളും എന്ന വിഷയത്തില്‍ മങ്കട പ്രൈമറി ഹെല്‍ത്ത് സെന്ററിന്റെ മെഡിക്കല്‍ ഓഫിസര്‍ ഡോ. യു. ബാബുവും ക്ലാസെടുത്തു.
പാണായി ശംസുദ്ദീന്റെ മാജിക് ഷോയും നടന്നു. ഇന്നു പുഴക്കാട്ടിരി വെറ്ററിനറി ഹാളില്‍ ജില്ലാപഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്യും. നാളെ നടക്കുന്ന ശില്‍പശാല സബ് കലക്ടര്‍ രാമചന്ദ്രന്‍ ഉദ്ഘാടനം ചെയ്യും. ജില്ലാപഞ്ചായത്തംഗം അഡ്വ. റഷീദലി അധ്യക്ഷനാകും.