മദീന: സഊദി അറേബ്യയിലെ സമസ്ത കേരള ജംഇയ്യത്തുല്‍ ഉലമയുടെ ആശയദാര്‍ശങ്ങളില്‍ പ്രവര്‍ത്തിച്ചിരുന്ന സംഘടനകളെ തമ്മില്‍ ഏകോപിപ്പിച്ചു പ്രഖ്യാപിച്ച പുതിയ സംഘടനയായ സമസ്ത ഇസ്‌ലാമിക് സെന്റര്‍ (എസ്.ഐ.സി) പ്രഥമ സഊദി ദേശീയ കമ്മിറ്റി ഭാരവാഹികളെ പ്രഖ്യാപിച്ചു. മദീനയില്‍ വര്‍ദത്തു ഇല്യാസ് ഓഡിറ്റോറിയത്തില്‍ നടന്ന സംഗമത്തിലാണ് സമസ്ത കേന്ദ്ര മുശാവറ അംഗീകരിച്ച ഭാരവാഹി ലിസ്റ്റ് എ.വി അബ്ദുറഹ്മാന്‍ മുസ്‌ല്യാര്‍ പ്രഖ്യാപിച്ചത്. പ്രഥമ പ്രസിഡന്റായി സയ്യിദ് ഉബൈദുല്ല തങ്ങള്‍ മേലാറ്റൂര്‍, ജനറല്‍ സെക്രട്ടറിയായി അലവിക്കുട്ടി ഒളവട്ടൂര്‍ , ചെയര്‍മാനായി അബൂബക്കര്‍ ഫൈസി ചെങ്ങമനാട്, ട്രഷററായി അബുല്‍ കരീം ബാഖവി പൊന്മള ,വര്‍ക്കിങ് സെക്രട്ടറിയായി അബ്ദുറഹ്മാന്‍ അറക്കല്‍ എന്നിവരെയാണ് തിരഞ്ഞെടുത്തത്.

സഹ ഭാരവാഹികള്‍: സയ്യിദ് അബ്ദുറഹ്മാന്‍ ജമലുല്ലൈലി തങ്ങള്‍, സയ്യിദ് സൈനുല്‍ അബിദീന്‍ തങ്ങള്‍, സെയ്തലവി ഫൈസി പനങ്ങാങ്ങര, അബ്ദുറഹ്മാന്‍ മൗലവി ഓമാനൂര്‍, സൈദു ഹാജി മൂന്നിയൂര്‍, ഇസ്മയില്‍ ഹാജി ചാലിയം (വൈസ് ചെയര്‍മാന്‍മാര്‍), അബൂബക്കര്‍ ദാരിമി താമരശ്ശേരി, ഇബ്രാഹിം ഓമശ്ശേരി, എന്‍.സി. മുഹമ്മദ് കണ്ണൂര്‍, ഉമര്‍ ഫാറൂഖ് ഫൈസി, ബഷീര്‍ ബാഖവി (വൈസ് പ്രസിഡന്റുമാര്‍), സുലൈമാന്‍ പണിക്കരപ്പുറായ്, അസ്‌ലം അടക്കാതോട്, സുബൈര്‍ ഹുദവി കൊപ്പം, സഅദ് നദ്‌വി (സെക്രട്ടറിമാര്‍), അഷ്‌റഫ് മിസ്ബാഹി, സുബൈര്‍ ഹുദവി വെളിമുക്ക്, അബ്ദുറഹ്മാന്‍ ഫറോക്ക് (ഓര്‍ഗ. സെക്രട്ടറിമാര്‍), മഹീന്‍ വിഴിഞ്ഞം, മുനീര്‍ ഫൈസി ഇരിങ്ങാട്ടിരി, അഷ്‌റഫ് അശ്രഫി, സുലൈമാന്‍ ഖാസിമി, മുസ്തഫ ദാരിമി മേലാറ്റൂര്‍, ഫഫാസ് ഹുദവി പട്ടിക്കാട്, ജലാല്‍ മൗലവി ഇരുമ്പുചോല, റാഫി ഹുദവി, അബ്ദുള്ള കുപ്പം, ഫരീദ് ഐക്കരപ്പടി, അഷ്‌റഫ് തില്ലങ്കിരി, നൂറുദീന്‍ മൗലവി, മൊയ്തീന്‍കുട്ടി തെന്നല (സെക്രട്ടറിയേറ്റ് മെംബര്‍) എന്നിവരെയുമാണ് പ്രഖ്യാപിച്ചത്.

സമസ്ത ജനറല്‍ സെക്രട്ടറി ആലിക്കുട്ടി മുസ്‌ല്യാര്‍ സംഗമം ഉദ്ഘാടനം ചെയ്തു. സമസ്ത വിദ്യാഭ്യാസ ബോര്‍ഡ് മാനേജര്‍ കെ. മോയിന്‍കുട്ടി മാസ്റ്റര്‍ സ്വാഗതം പറഞ്ഞു. ളിയാഉദ്ദീന്‍ ഫൈസി മേല്‍മുറി, ഉബൈദുള്ള തങ്ങള്‍ മേലാറ്റൂര്‍,സൈനുല്‍ ആബിദീന്‍ തങ്ങള്‍, അബൂബക്കര്‍ ഫൈസി ചെങ്ങമനാട്, ഓമാനൂര്‍ അബ്ദുറഹ്മാന്‍ മൗലവി, അറക്കല്‍ അബ്ദുറഹ്മാന്‍, സുബൈര്‍ ഹുദവി കൊപ്പം, സൈത്ഹാജി മൂന്നിയൂര്‍ എന്നിവര്‍ സംസാരിച്ചു.