നീലേശ്വരം: മടിക്കൈ കാലിച്ചാംപൊതിയെ ആവേശത്തിലാഴ്ത്തി സംസ്ഥാന സബ്ജൂനിയര്‍ വടംവലി ചാംപ്യന്‍ഷിപ്പിനു തുടക്കമായി. പഞ്ചായമത്ത് മിനി സ്റ്റേഡിയത്തില്‍ രണ്ടു ദിവസങ്ങളിലായി നടക്കുന്ന മത്സരങ്ങളില്‍ 13 ജില്ലകളില്‍ നിന്നായി നാലു കാറ്റഗറികളില്‍ 48 ടീമുകള്‍ പങ്കെടുക്കും. ആണ്‍കുട്ടികളുടെ 480, 500 കിലോഗ്രാം കാറ്റഗറിയിലും പെണ്‍കുട്ടികളുടെ 400, 420 കിലോഗ്രാം കാറ്റഗറിയിലുമാണു മത്സരം.
ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്തു. ഇന്നു സമാപന സമ്മേളനം റവന്യൂ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ മുഖ്യാതിഥിയായിരിക്കും.