ആന്റിഗ്വ: ടി20 വനിതാ ലോകകപ്പ് ക്രിക്കറ്റില്‍ ആസ്‌ത്രേലിയ ചാംപ്യന്‍മാരായി. എട്ട് വിക്കറ്റിന് ഇംഗ്ലണ്ടിനെ തകര്‍ത്താണ് ആസ്‌ത്രേലിയ നാലാം ലോക കിരീടം സ്വന്തമാക്കിയത്. 29 പന്ത് ബാക്കി നില്‍ക്കെയായിരുന്നു ഓസീസിന്റെ ജയം.
ടോസ് നേടി ആദ്യം ബാറ്റ് ചെയ്ത ഇംഗ്ലണ്ടണ്ട് ഓസീസിന്റെ മികച്ച ബൗളിങിനു മുന്നില്‍ പതറുകയായിരുന്നു.
19.4 ഓവറില്‍ 105 റണ്‍സാണ് ഇംഗ്ലണ്ടണ്ടിന് നേടാനായത്. ഓപ്പണര്‍ ഡാനിയേല വയാറ്റ് (43), ഹെതര്‍ നൈറ്റ് (25) എന്നിവര്‍ക്കു മാത്രമാണ് ഇംഗ്ലണ്ടണ്ട് നിരയില്‍ രണ്ടണ്ടക്കം കാണാനായത്. ഓസീസിനായി ആഷ്‌ലെ ഗാര്‍ഡ്‌നര്‍ മൂന്നും മേഗന്‍ സ്‌കെട്ട്, ജോര്‍ജിയ വറേഷാം എന്നിവര്‍ രണ്ടണ്ട് വിക്കറ്റ് വീതവും വീഴ്ത്തി. മറുപടിയില്‍ 15.1 ഓവറില്‍ രണ്ടണ്ട് വിക്കറ്റ് മാത്രം നഷ്ടപ്പെടുത്തി ഓസീസ് വിജയലക്ഷ്യം കാണുകയായിരുന്നു. ആഷ്‌ലെ ഗാര്‍ഡ്‌നര്‍ (33*), ക്യാപ്റ്റന്‍ മെഗ് ലാനിങ് (28*), അലീസ ഹീലി (22), ബെത് മോണി (14) എന്നിവരുടെ ഇന്നിങ്‌സുകളാണ് ഓസീസിന്റെ വിജയം അനായാസമാക്കിയത്.
മത്സരത്തില്‍ ഓള്‍റൗണ്ടണ്ട് പ്രകടനം കാഴ്ചവച്ച ആഷ്‌ലെ ഗാര്‍ഡ്‌നറെ കളിയിലെ താരമായും മികച്ച ബാറ്റിങ് പ്രകടനത്തിലൂടെ ടൂര്‍ണമെന്റിലെ ടോപ്‌സ്‌കോററായ അലീസ ഹീലിയെ പ്ലെയര്‍ ഓഫ് ദി സീരീസായും തിരഞ്ഞെടുത്തു.