ചക്കരക്കല്‍: ചക്കരക്കല്‍ ബസ്സ്റ്റാന്‍ഡില്‍ മഴക്കാലയാത്ര ദുരിതമയമാകുന്നു. സ്റ്റാന്‍ഡിലെ ടാറിങ് തകര്‍ന്ന് കുഴികളില്‍ മഴവെള്ളം കെട്ടിക്കിടക്കുന്ന നിലയിലാണ്. വാഹനങ്ങള്‍ യാത്രക്കാരുടെ ദേഹത്ത് ചെളിവെള്ളം തെറിപ്പിക്കുന്നത് നിത്യസംഭവമാണ്. സ്ത്രീകളും കുട്ടികളും വയോധികരുമാണ് ഏറെ ബുദ്ധിമുട്ടനുഭവിക്കുന്നത്. സ്റ്റാന്‍ഡിന്റെ ഒരു വശം മാത്രമാണ് നവീകരിച്ചത്. മഴക്കാലത്തിനു മുന്‍പേ ചെയ്യേണ്ട അറ്റകുറ്റപ്പണികളൊന്നും നടത്താത്തതാണ് സ്ഥിതി വഷളാകാന്‍ കാരണം. ചെമ്പിലോട് പഞ്ചായത്തിന്റെ അധീനതയിലാണ് ബസ് സ്റ്റാന്‍ഡ്.