കായംകുളം: ദേശീയപാതയില്‍ കരിയിലകുളങ്ങരയില്‍ പെട്രോള്‍ ടാങ്കറില്‍ നിന്നും പെട്രോള്‍ ചോര്‍ന്നു. എറണാകുളം ഇരുമ്പനത്ത് നിന്നും തിരുവനന്തപുരത്തേക്ക് പെട്രോളുമായി പോവുകയായിരുന്ന ബി.പി.സിഎല്‍ന്റെ പെട്രോള്‍ ടാങ്ക് ആണ് ചോര്‍ന്നത്. ഇന്ന് ഉച്ചയോടെയാണ് സംഭവം. കരിയിലകുളങ്ങര ആലപ്പി കോ- ഓപ്പറേറ്റീവ് സ്പിന്നിങ് മില്ലിന് മുന്‍വശത്ത് എത്തിയപ്പോഴാണ് ചോര്‍ച്ച ശ്രദ്ധയില്‍പെട്ടത്. ഡ്രൈവര്‍ ഉടന്‍തന്നെ അഗ്നിശമനസേനയെ വിവരമറിയിക്കുകയും കായംകുളത്തുനിന്നും രണ്ട് യൂണിറ്റ് അഗ്‌നിശമനസേന സ്ഥലത്തെത്തുകയും ചെയ്ത. ഇവര്‍ ചോര്‍ച്ച പരിഹരിക്കുന്നതിനുള്ള ശ്രമങ്ങള്‍ പരാജയപ്പെട്ടതിനെത്തുടര്‍ന്ന് കായംകുളം മുക്കട സമീപമുള്ള പെട്രോള്‍ പമ്പിലേക്ക് ടാങ്കര്‍ എത്തിച്ച് പെട്രോള്‍ നീക്കം ചെയ്യാനായി കൊണ്ടുപോയി സംഭവത്തെ തുടര്‍ന്ന് രണ്ട് മണിക്കൂറോളം ഗതാഗതം സ്തംഭിച്ചു.