കോഴിക്കോട്: പ്രവാചകന്‍ മുഹമ്മദ് നബിയുടെ ജന്മദിനം നാടെങ്ങും സമുചിതമായി കൊണ്ടാടി. പുലര്‍ച്ചെ മൗലിദ് പാരായണവും തുടര്‍ന്ന് നബിദിന ഘോഷയാത്രകളും കൊണ്ട് ആഘോഷത്തിന് ധന്യത പകര്‍ന്നു. നാടുനീളെ നൂറുകണക്കിന് മദ്‌റസാ വിദ്യാര്‍ഥികളും നാട്ടുകാരും റാലികളില്‍ അണിനിരുന്നു.

മധുരപലഹാര വിതരണവും ഭക്ഷണ വിതരണവുമായി മഹല്ലുകളും സംഘടനകളും നബിദിനത്തെ വരവേറ്റു. വിവിധ മദ്‌റസകളില്‍ ഇന്നു തന്നെയാണ് കുട്ടികളുടെ കലാപരിപാടികളും. ചില മദ്‌റസകളില്‍ വരും ദിവസങ്ങളിലും കലാപരിപാടികളും മറ്റും നടക്കും.