കണ്ണൂര്‍: കംഫര്‍ട്ട് സ്റ്റേഷനില്‍ കയറുന്നവരുടെ കണ്ണൊന്ന് തെറ്റിയാല്‍ ടാങ്കിലും വീഴും. നഗരത്തിന്റെ ഹൃദയ ഭാഗത്ത് സ്റ്റേറ്റ് ബാങ്ക് ബസ്‌സ്റ്റോപ്പിന് പിറകിലെ കംഫര്‍ട്ട് സ്റ്റേഷന്റെ ടാങ്കിന്റെ മുകള്‍ ഭാഗമാണ് പൊട്ടിയത്. ടാങ്കിലെ മലിനജലത്തില്‍ കൊതുകുകള്‍ പെരുകുകയാണ്. ജനകീയാസൂത്രണ പദ്ധതിയില്‍ കണ്ണൂര്‍ കോര്‍പറേഷന്‍ നിര്‍മിച്ച ആധുനിക സജ്ജീകരണങ്ങളുള്ള കംഫര്‍ട്ട് സ്റ്റേഷന്റെ ടാങ്കാണ് ഇവിടെയെത്തുന്നവര്‍ക്ക് കെണിയൊരുക്കുന്നത്. തിരക്കേറിയ ജങ്ഷനിലെ കംഫര്‍ട്ട് സ്റ്റേഷന്റെ അറ്റകുറ്റപ്പണി നടത്തണമെന്ന് ആവശ്യമുയര്‍ന്നിരിക്കുകയാണ്.