മഞ്ചേശ്വരം: കെ.എസ്.ആര്‍.ടി.സി ഡ്രൈവറെ ബസില്‍ നിന്നു വലിച്ചിറക്കി മര്‍ദിച്ച കേസില്‍ രണ്ടു പേരെ മഞ്ചേശ്വരം പൊലിസ് അറസ്റ്റു ചെയ്തു. പാവൂര്‍ സൂപ്പി നഗറിലെ ബദറുദ്ദീന്‍ (22), അലി എന്ന അബ്ദുല്‍ അലി (21) എന്നിവരാണ് അറസ്റ്റിലായത്. കെ.എസ്.ആര്‍.ടി.സി കാസര്‍കോട് ഡിപ്പോയിലെ ഡ്രൈവര്‍ സുരേഷിനെ അക്രമിച്ച കേസിലാണ് അറസ്റ്റ്. തിങ്കളാഴ്ച മംഗളൂരുവില്‍ നിന്നു കാസര്‍കോട് ഭാഗത്തേക്കു വരുന്നതിനിടെ പൊസോട്ട് വച്ച് ഓട്ടോയിലെത്തിയ സംഘം മര്‍ദിച്ചെന്നാണു പരാതി. സംഘത്തിലെ രണ്ടുപേരെ പൊലിസ് അന്വേഷിച്ചുവരികയാണ്.