പാപ്പിനിശ്ശേരി: മതവിദ്യ പകര്‍ന്നു നല്‍കി സമൂഹത്തെ നേരായ ദിശയില്‍ നയിക്കുന്ന മദ്‌റസകള്‍ ഓരോ നാടിന്റെയും അഭിമാനമാണെന്നും ഇസ്‌ലാമിന്റെ യഥാര്‍ത്ഥ മൂല്യം മുറുകെ പിടിച്ച് ജീവിക്കാന്‍ സമൂഹത്തെ പ്രാപ്തരാക്കുന്ന മുഅല്ലിമീങ്ങള്‍ ദീനിന്റെ നെടും തൂണുകളാണെന്നും പി.കെ.പി അബ്ദുല്‍ സലാം മുസ്‌ലിയാര്‍. പാപ്പിനിശ്ശേരി റെയ്ഞ്ച് കമ്മിറ്റി രൂപീകരണ കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുഫത്തിശ് ലുഖ്മാന്‍ ഫൈസി അധ്യക്ഷനായി. ഭാരവാഹികള്‍: യൂസുഫ് ബാഖവി മൊറയൂര്‍ (പ്രസി), ഇ.കെ അഹമ്മദ് ബാഖവി, നൗഷാദ് റഹ്മാനി (വൈസ് പ്രസി), നിയാസ് അസ്അദി (ജന: സെക്ര), റാഷിദ് അസ്അദി, സലീം അസ്അദി(ജോ: സെക്ര), വി.പി ഷഹീര്‍( ട്രഷ), പി.പി അഷ്‌റഫ് മൗലവി(പരീക്ഷാ ബോര്‍ഡ് ചെയര്‍മാന്‍), ഫൈസല്‍ അസ്അദി(വൈസ് ചെയര്‍), സക്കരിയ അസ്അദി(ക്ഷേമനിധി ചെയര്‍), ഇസ്മാഈല്‍ ബാഖവി(വൈസ് ചെയര്‍), അബ്ദുസ്സമദ് മൗലവി(കണ്‍), അബ്ദുല്‍ ജബ്ബാര്‍ മൗലവി(ജോ.കണ്‍), അബ്ദുല്‍ ജലീല്‍ അസ്അദി(എസ്.കെ.എസ്.ബി.വി ചെയര്‍മാന്‍), മുത്തലിബ് അസ്അദി(കണ്‍), അനീസ് വേളാപുരം, ഹകീം ഹാജി, സി.പി റഷീദ്, ഇബ്രാഹിം കോള്‍മൊട്ട (മാനേജ്‌മെന്റ് പ്രതിനിധികള്‍), അബ്ദുല്‍ സമദ് മുട്ടം തെരഞ്ഞെടുപ്പ് നിയന്ത്രിച്ചു. മുദരിബ് കെ.വി ഇബ്രാഹിം മൗലവി തദ്‌രീബ് സന്ദേശം നല്‍കി. ബി. യൂസുഫ് ബാഖവി, യൂസഫ് ബാഖവി കണ്ണപുരം, വി.പി ഷഹീര്‍, അനീസ് വേളാപുരം, ഹകീം ഹാജി സംസാരിച്ചു.