ഇരിട്ടി: എല്ലാം ശരിയാക്കുമെന്ന് പറഞ്ഞു അധികാരത്തില്‍ എത്തിയവര്‍ ഒന്ന് ശരിയാക്കാതെ ജനകീയ പ്രശ്‌നങ്ങളില്‍ നിന്നു പുറംതിരിഞ്ഞിരിക്കുകയാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി. 

ഇന്ദിരാഗാന്ധി ജന്മശതാബ്ദി ആഘോഷങ്ങളുടെ ഭാഗമായി നടക്കുന്ന ആഘോഷങ്ങളുടെ ബ്ലോക്ക്തല ഉദ്ഘാടനവും കോണ്‍ഗ്രസ് തന്തോട് ബൂത്ത് കുടുംബ സംഗമവും ഉദ്ഘാടനം ചെയ്തു സംസാരിക്കുകയായിരുന്നു ഉമ്മന്‍ ചാണ്ടി. ജയിംസ് കടമ്പന്‍ ചിറ അധ്യക്ഷനായി.
സണ്ണി ജോസഫ് എം.എല്‍.എ ഇന്ദിരാഗാന്ധി അനുസ്മരണം നടത്തി. ഡി.സി.സി പ്രസിഡന്റ് സതീശന്‍ പാച്ചേനി, അഡ്വ. സജീവ് ജോസഫ്, ചന്ദ്രന്‍ തില്ലങ്കേരി, തോമസ് വര്‍ഗീസ്, ഡയ്‌സി മാണി, പി.കെ ജനാര്‍ദ്ദനന്‍, പടിയൂര്‍ ദാമോദരന്‍, ജയ്‌സണ്‍ കാരക്കാട്ട്, ഷൈജന്‍ ജേക്കബ് സംസാരിച്ചു.