കൊട്ടിയം: കൊല്ലം-കണ്ണനല്ലൂര്‍ റോഡില്‍ കണിയാന്‍തോട്ടിലും കൊച്ചുഡീസന്റുമുക്കിലും റോഡിനരികില്‍ മദ്യക്കുപ്പികളും മാലിന്യങ്ങളും തള്ളുന്നത് പതിവായി.
കുരീപ്പള്ളി ഭാഗത്തും മുഖത്തല നാഷനല്‍ പബ്ലിക് സ്‌കൂളിന് സമീപമുള്ള ആളൊഴിഞ്ഞ പുരയിടത്തിലും കരിക്കോട് ടി.കെ.എം എന്‍ജിനിയറിങ് കോളജിന് സമീപത്തും മാലിന്യം കുന്നുകൂടി. റെയില്‍വേ ഭാഗത്തെ റോഡിലൂടെ ആയിരക്കണക്കിന് വിദ്യാര്‍ഥികള്‍ കാല്‍നടയായി യാത്ര ചെയ്യുന്നതാണ്. മുഖത്തല കല്ലുവെട്ടാംകുഴി റോഡില്‍നിന്നും ചെന്താപ്പൂര്‍ ഭാഗത്തേക്ക് പോകുന്ന റോഡില്‍ കോഴിക്കടകളിലെ അറവുമാലിന്യങ്ങള്‍ നിര്‍ബാധം റോഡിലേക്ക് തള്ളിയിട്ടിരിക്കുകയാണ്.