മാള: കുഴൂര്‍ ഗവ. ഹൈസ്‌കൂളിന്റെ പ്രചാരണവുമായി ബന്ധപ്പെട്ട് വിവിധ ഭാഗങ്ങളില്‍ വച്ചിരുന്ന ബോര്‍ഡുകള്‍ വ്യാപകമായി നശിപ്പിക്കപ്പെട്ടതായി പരാതി. ഉന്നത വിജയം നേടിയ കുട്ടികള്‍ക്ക് അഭിനന്ദനം അര്‍പ്പിച്ചു കൊണ്ട് പി.ടി.എ വിവിധയിടങ്ങളിലായി സ്ഥാപിച്ച ബോര്‍ഡുകളും നശിപ്പിക്കപ്പെട്ടിട്ടുണ്ട്. 

ഇവ കൂടാതെ ഓള്‍ഡ് സ്റ്റുഡന്‍സ് ടീച്ചേഴ്‌സ് അസോസിയേഷന്റെ ആഭിമുഖ്യത്തില്‍ സ്‌കൂളില്‍ സ്ഥാപിക്കുന്ന കുട്ടികളുടെ പാര്‍ക്കിന്റേയും സ്‌കൂളിലെ പഠന സൗകര്യങ്ങളും മറ്റും പ്രതിപാദിക്കുന്നതുമായ ബോര്‍ഡുകളും നശിപ്പിക്കപ്പെട്ടിട്ടുണ്ട്.
സ്‌കൂളിനെ ഇല്ലാതാക്കാന്‍ ശ്രമിക്കുന്ന സാമൂഹ്യവിരുദ്ധര്‍ തന്നെയാണ് പിന്നിലെന്ന ആക്ഷേപമാണ് ഉയരുന്നത്. ഈ പ്രവര്‍ത്തനങ്ങള്‍ക്ക് പിന്നിലുള്ളവരെ കണ്ടെത്തി ശിക്ഷ നല്‍കണമെന്ന് പി.ടി.എ കമ്മിറ്റി ആവശ്യപ്പെട്ടു.