ചേലക്കര: കിള്ളിമംഗലം ഗവ. ആര്‍ട്‌സ് ആന്‍ഡ് സയന്‍സ് കോളജ് വിദ്യാര്‍ഥിനികളെ കയറ്റാതെ സര്‍വിസ് നടത്തിയ സ്വകാര്യ ബസ് ജീവനക്കാരെ ചോദ്യം ചെയ്തതിന് വിദ്യാര്‍ഥി നേതാവിന്റെ മൂക്ക് ബസ് ജീവനക്കാര്‍ ഇടിച്ച് തകര്‍ത്തതായി പരാതി. കോളജിലെ എ.ബി.വി.പി. യൂനിറ്റ് പ്രസിഡന്റും പട്ടാമ്പി സ്വദേശിയുമായ കള്ളത്ത് വീട്ടില്‍ വിഷ്ണുവിനാണ് പരുക്കേറ്റത്. കോളജിലെ ബികോം അവസാനവര്‍ഷ വിദ്യാര്‍ഥിയാണ് വിഷ്ണു. മൂക്കിന്റെ പാലം തകര്‍ന്ന വിദ്യാര്‍ഥിയെ മുളങ്കുന്നത്ത് കാവയ്ക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഷൊര്‍ണൂര്‍ ചേലക്കര റൂട്ടില്‍ സര്‍വിസ് നടത്തുന്ന മുതലംചിറ ബസ് സര്‍വിസിലെ ജീവനക്കാരാണ് തന്നെ ആക്രമിച്ചതെന്ന് വിഷ്ണു പൊലിസില്‍ നല്‍കിയ പരാതിയില്‍ പറയുന്നു. 

കണ്ടക്ടര്‍ ബാഗുകൊണ്ട് അടിയ്ക്കുകയായിരുന്നുവെന്നും ചേലക്കര പൊലിസില്‍ നല്‍കിയ പരാതിയില്‍ പറയുന്നു. സംഭവത്തില്‍ പൊലിസ് കേസെടുത്തു.