തൃശൂര്‍: ജില്ലാ പി.ടി.എയുടെ ഈ വര്‍ഷത്തെ വിദ്യാഭ്യാസ അവാര്‍ഡ് മേള നാളെ രാവിലെ 9.30 ന് ടൗണ്‍ ഹാളില്‍ നടക്കുമെന്ന ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 

കൃഷി വകുപ്പ് മന്ത്രി അഡ്വ. വി.എസ് സുനില്‍കുമാര്‍ മുഖ്യാതിഥിയാകുന്ന ചടങ്ങില്‍ വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്യും. സര്‍ക്കാര്‍, എയ്ഡഡ്, അണ്‍ എയ്ഡഡ് സ്‌കൂളുകളില്‍ മികച്ച പി.ടി.എ ക്കുള്ള അവാര്‍ഡ്, മികച്ച അധ്യാപക അവാര്‍ഡ്, മികച്ച പി.ടി.എ പ്രസിഡന്റിനുള്ള അവാര്‍ഡ് എന്നിങ്ങനെ പ്രത്യേകം അവാര്‍ഡുകള്‍ നല്‍കും. ടി.എ ഫാത്തിമ, ഇ.സി ജെസി, പി.പി രാജേഷ്, എന്നിവര്‍ക്ക് അധ്യാപക അവാര്‍ഡും നവാസ് പടുവിങ്ങല്‍, എം.ബി സജീവ്, സുഭാഷ് ചന്ദ്രബോസ് എന്നിവര്‍ക്ക് പി.ടി.എ പ്രസിഡന്റ് അവാര്‍ഡും നല്‍കും. സി.എന്‍ ജയദേവന്‍ എം.പി, മേയര്‍ അജിത ജയരാജന്‍ തുടങ്ങിയവര്‍ ചടങ്ങില്‍ പങ്കെടുക്കും.
വാര്‍ത്താസമ്മേളനത്തില്‍ ജില്ലാ പി.ടി.എ പ്രസിഡന്റ് എം.അരവിന്ദാക്ഷന്‍, ജനറല്‍ സെക്രട്ടറി ജോണ്‍ ജെ.ഒല്ലൂക്കാരന്‍, രാജ്കുമാര്‍ മധു, ഷാജി പങ്കെടുത്തു.