മണ്ണാര്‍ക്കാട്: മദ്‌റസകള്‍ നാടിനെ നന്മയിലേക്ക് നയിക്കുന്ന കേന്ദ്രങ്ങളാണെന്നും നിര്‍ബന്ധമായ മത പഠനം നല്‍കുന്നതില്‍ രക്ഷിതാക്കള്‍ ജാഗ്രത പാലിക്കണമെന്നും സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ പറഞ്ഞു. അലനല്ലൂര്‍ കാളമ്പാറ മഹല്ല് കമ്മിറ്റി സംഘടിപ്പിച്ച അവാര്‍ഡ് ദാനവും അധ്യാപക രക്ഷാകര്‍ത്ത സംഗമവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി സി. മുഹമ്മദലി ഫൈസി പി.ടി.എ ഉദ്ഘാടനം നിര്‍വഹിച്ചു. സി. ഹംസ സാഹിബ് മുഖ്യപ്രഭാഷണം നടത്തി. പന്തലാന്‍ ഹംസ ഹാജി അധ്യക്ഷനായി.
അഡ്വ. പി.കെ. അബ്ദുനാസര്‍ അവാര്‍ഡ് പ്രക്യാപനം നടത്തി. സി. ഹംസ മാസ്റ്റര്‍ സ്വാഗതവും എം.കെ. അബ്ബാസ് ഫൈസി പ്രാഥനയും പി.കെ അബ്ദുള്‍ ഗഫൂര്‍ നന്ദിയും അറിയിച്ചു.
ഉബൈദ, പി.സി മുഹമ്മദ് മാസ്റ്റര്‍, പന്തലാന്‍ അബ്ദുപ്പു ഹാജി, യൂസഫ് മുസ്‌ലിയാര്‍, ഹംസ ഹാജി, കെ. മുഹമ്മദലി മുസ്‌ലിയാര്‍, കെ. മുഹമ്മദാലി ഹാജി സംബന്ധിച്ചു.