പാലക്കാട്: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ജില്ലാ പഞ്ചായത്തിന്റെ നേതൃത്വത്തില്‍ ഇന്ന് ഉച്ചയ്ക്ക് രണ്ട് മുതല്‍ ഓരോ തദ്ദേശ സ്വയംഭരണ സ്ഥാപനത്തിന് കീഴിലുള്ള തെരഞ്ഞെടുത്ത ഹയര്‍ സെക്കന്‍ഡറി സ്‌കൂള്‍ കേന്ദ്രീകരിച്ച് വിദ്യാഭ്യാസ സംഗമം നടത്തുന്നു.
2017-18 ലെ ജില്ലാ പഞ്ചായത്തിന്റെ പ്രൊജക്ടുകളായ ഹരിശ്രീ, വിജയശ്രീ തുടങ്ങിയ വിദ്യാഭ്യാസ പദ്ധതികളും ആര്‍.എം.എസ്.എ, എസ്.എസ്.എ തുടങ്ങിയ വിദ്യാഭ്യാസ പദ്ധതികളും സംയോജിപ്പിച്ച് വിദ്യാഭ്യാസ സ്ഥാപനങ്ങളുടെ ഭൗതിക സാഹചര്യവും അക്കാദമിക് നിലവാരവും മെച്ചപ്പെടുത്തുന്നതുമായി ബന്ധപ്പെട്ട് യോഗം ചര്‍ച്ച ചെയ്യും.
അതത് പഞ്ചായത്തുകളിലേയും നഗരഭകളിലേയും ജനപ്രതിനിധികളും അഞ്ചാം ക്ലാസ് മുതല്‍ പ്ലസ്ടു വരെയുള്ള അധ്യാപകരും, പി.ടി.എ, എം.പി.ടി.എ, അംഗങ്ങളും സംഗമത്തില്‍ പങ്കെടുക്കണം.