കല്‍പ്പറ്റ: മലയാളത്തിന്റെ സുകൃതം എന്ന പ്രമേയവുമായി ഓഗസ്റ്റ്, സെപ്തംബര്‍ മാസങ്ങളില്‍ ആചരിക്കുന്ന സുപ്രഭാതം നാലാം വാര്‍ഷികാഘോഷങ്ങളുടെ ഭാഗമായി നടക്കുന്ന റെയ്ഞ്ച്തല സുപ്രഭാതം സംഗമങ്ങള്‍ നാളെ നടക്കും. രാവിലെ 9.30ന് അന്‍സാരിയ്യാ കോംപ്ലക്‌സില്‍ വെച്ച് കമ്പളക്കാട് റെയ്ഞ്ച് സംഗമവും പനമരം മന്‍സൂറുല്‍ ഇസ്‌ലാം മദ്‌റസയില്‍ രാവിലെ 10ന് പനമരം റെയ്ഞ്ച് സംഗമവും 10.30ന് പുളിഞ്ഞാല്‍ മദ്‌റസയില്‍ വെച്ച് വെള്ളമുണ്ട റെയ്ഞ്ച് സംഗമവും നടക്കും. റെയ്ഞ്ച് പരിധികളിലെ ഖത്വീബുമാര്‍, മുഅല്ലിംകള്‍, മഹല്ല്, മദ്‌റസാ മാനേജ്‌മെന്റ് ഭാരവാഹികള്‍, സമസ്ത, മഹല്ല് ഫെഡറേഷന്‍, ജംഇയ്യത്തുല്‍ മുഅല്ലിമീന്‍, മാനേജ്‌മെന്റ് അസോസിയേഷന്‍, എസ്.വൈ.എസ്, എസ്.കെ.എസ്.എസ്.എഫ് റെയ്ഞ്ച്, മേഖലാ, പഞ്ചായത്ത്, ക്ലസ്റ്റര്‍, ശാഖാ ഭാരവാഹികള്‍ പങ്കെടുക്കണമെന്ന് ബന്ധപ്പെട്ട റെയ്ഞ്ച് സെക്രട്ടറിമാര്‍, കോഡിനേറ്റര്‍മാര്‍ അറിയിച്ചു.