ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഈ വര്‍ഷം മുതല്‍ ആരംഭിച്ച സമസ്ത വിമന്‍സ് ഇസ്‌ലാമിക് ആര്‍ട്‌സ് കോളജ് മാനേജ്‌മെന്റ് ശില്‍പശാല നടത്തി. എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. കെ. ഉമര്‍ ഫൈസി മുക്കം അധ്യക്ഷനായി. എ.എം പരീദ് എറണാകുളം, അബ്ദുല്‍ഖാദിര്‍ ഫൈസി തലക്കശ്ശേരി, അബൂബക്കര്‍ ഫൈസി ചര്‍ച്ചയില്‍ പങ്കെടുത്തു.
സമസ്ത വിമന്‍സ് കോളജ് സബ് കമ്മിറ്റി കണ്‍വീനര്‍ അബ്ദുസ്സമദ് പൂക്കോട്ടൂര്‍ ക്ലാസെടുത്തു. കോ.ഓഡിനേറ്റര്‍ കബീര്‍ ഫൈസി ചെമ്മാട് ചര്‍ച്ചകള്‍ ക്രോഡീകരിച്ചു.കെ. മോയിന്‍കുട്ടി മാസ്റ്റര്‍ സ്വാഗതവും എം.പി മുഹമ്മദ് മുസ്‌ലിയാര്‍ കടുങ്ങല്ലൂര്‍ നന്ദിയും പറഞ്ഞു.
സംസ്ഥാനത്തിന്റെ വിവിധ ജില്ലകളില്‍ പ്രവര്‍ത്തിക്കുന്ന 63 കോളജുകളെ പ്രതിനിധീകരിച്ച് 120 പേര്‍ പങ്കെടുത്തു.