നരിക്കുനി: പ്രകൃതിയെ അടുത്തറിഞ്ഞും മനം കുളിരണിഞ്ഞും കുട്ടികള്‍ നടത്തിയ മഴയാത്ര വ്യത്യസ്തമായി. 'മഴയെ അറിയാം പ്രകൃതിക്കൊപ്പം ചേരാം' എന്ന പ്രമേയത്തില്‍ എരവണ്ണൂര്‍ എ.യു.പി സ്‌കൂള്‍ ഉറുദു, സംസ്‌കൃതം, ജെ.ആര്‍.സി വിദ്യാര്‍ഥികളാണ് വയലടയില്‍ മഴനടത്തം സംഘടിപ്പിച്ചത്. പ്രകൃതിയെ അടുത്തറിഞ്ഞ് പ്രകൃതിസംരക്ഷിക്കേണ്ടണ്ടതിന്റെ ആവശ്യകത മനസിലാക്കിയ യാത്ര കുട്ടികളില്‍ പുതിയ പാഠങ്ങള്‍ പകര്‍ന്നു നല്‍കി. ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് വി. പ്രതിഭ ഉദ്ഘാടനം നിര്‍വഹിച്ചു. സ്‌കൂള്‍ പി.ടി.എ പ്രസിഡന്റ് എം.പി അബ്ദുസ്സലാം അധ്യക്ഷനായി. ഒ. അബ്ദുറഹിമാന്‍, കെ. മുഹമ്മദ് ഷഫീഖ്, കെ. ജിലേഷ്, കെ. ആസിഫ്, മഞ്ജു, ശേഖര്‍, ലകെ.അപര്‍ണ നേതൃത്വം നല്‍കി. എം. ഷാജി മാസ്റ്റര്‍ സ്വാഗതവും സ്റ്റാഫ് സെക്രട്ടറി വി. വീണ നന്ദിയും പറഞ്ഞു.