റിയാദ്: സഊദിയിലെ റിയാദില്‍ കണ്ണൂര്‍ സ്വാദേശി കാറിടിച്ചു മരിച്ചു. ന്യൂ സനാഇയ്യയില്‍ ജോലി ചെയ്യുന്ന കണ്ണൂര്‍ ചപ്പാരപ്പടവ് കൂവേരി സ്വദേശി കൂട്ടുക്കന്‍ പാറപ്പുറത്ത് അബ്ദുസ്സലാം (50) ആണ് ന്യൂസനയ്യയിലെ വില്ലക്ക് മുന്നിലെ പോക്കറ്റ് റോഡില്‍ വെച്ച് കാറിടിച്ചു മരിച്ചത്.

കമ്പനിയില്‍ രാത്രി ഷിഫ്റ്റില്‍ ജോലി ചെയ്തിരുന്ന ഇദ്ദേഹം വൈകുന്നേരം തയ്യല്‍കടയില്‍ പോയി വരുമ്പോള്‍ എതിരെ വന്ന കാര്‍ ഇടിച്ചു തെറിപ്പിക്കുകയായിരുന്നു. സംഭവസ്ഥലത്ത് വച്ച് തന്നെ മരിച്ചു. പോലീസെത്തി മൃതദേഹം ശുമൈസി മോര്‍ച്ചറിയിലേക്ക് മാറ്റി. 12 വര്‍ഷത്തോളമായി സഊദിയിലുള്ള ഇദ്ദേഹം സമസ്തയുടെയും കെഎംസിസി യുടെയും സജീവ പ്രവര്‍ത്തകനായിരുന്നു. സുബൈദയാണ് ഭാര്യ. രണ്ട് മക്കളുണ്ട്.