നീലേശ്വരം: ജില്ല കലക്ടര്‍ ഡോ: സജിത്ബാബുവിന്റെ മിന്നല്‍ സന്ദര്‍ശനം അനധികൃതമായി പ്രവര്‍ത്തിക്കുകയായിരുന്ന പൂഴികടവ് പൂട്ടിച്ചു. അനച്ചാല്‍ പുഴയോരത്ത് രഹസ്യമായി പ്രവര്‍ത്തിച്ചിരുന്ന അനധികൃത പൂഴികടവാണ് പൂട്ടിച്ചത്.
പുഴകടവിലുണ്ടായിരുന്ന രണ്ട് തോണികള്‍ കസ്റ്റഡിയിലെടുത്ത് നശിപ്പിച്ച് കളഞ്ഞു. കരിന്തളം ഗവ. കോളജ് ഉദ്ഘാടന പരിപാടിയില്‍ പങ്കെടുത്ത് മടങ്ങവെയാണ് കലക്ടര്‍ പൂഴിക്കടവില്‍ എത്തിയത്.
നാട്ടുകാരുടെ പരാതികള്‍ ലഭിച്ചതിനെ തുടര്‍ന്ന് രഹസ്യമായി രാത്രിയിലെത്തിയ കലക്ടര്‍ കടവ് മിന്നല്‍ പരിശോധന നടത്തുകയും പൂട്ടാന്‍ ഉത്തരവിടുകയും ആയിരുന്നു.
നീലേശ്വരം എസ്.ഐ എം.വിശ്രീദാസ് വില്ലേജ് ഓഫിസര്‍ ടി. രാജേഷ് എന്നിവര്‍ സ്ഥലത്തെത്തിയിരുന്നു. കാഞ്ഞങ്ങാട് അഗ്‌നിശമനസേന എത്തി രണ്ട് തോണികളും മുറിച്ചെടുത്ത് നീലേശ്വരം വില്ലേജ് ഓഫിസിലേക്ക് മാറ്റി.