പയ്യന്നൂര്‍: ട്രെയിനില്‍ ഓടിക്കയറാന്‍ ശ്രമിക്കുന്നതിനിടെ തെറിച്ചുവീണ് വയോധികന് പരുക്കേറ്റു. ഞായറാഴ്ച രാത്രി എട്ടോടെ പയ്യന്നൂര്‍ റെയില്‍വേ സ്റ്റേഷനിലാണ് അപകടം. മാത്തില്‍ ചൂരല്‍ സ്വദേശി കല്ലായി വീട്ടില്‍ ജനാര്‍ദന (68)നാണ് പരുക്കേറ്റത്. ഇയാളെ പയ്യന്നൂര്‍ സഹകരണ ആശുപത്രിയില്‍ പ്രവേശിപ്പിച്ചു.
പയ്യന്നൂര്‍ റെയില്‍വേ സ്റ്റേഷനില്‍നിന്ന് പുറപ്പെട്ട മംഗളൂരു-തിരുവനന്തപുരം മലബാര്‍ എക്‌സ്പ്രസില്‍ ഓടിക്കയറുന്നതിനിടെയാണ് തെറിച്ചുവീണത്. പ്ലാറ്റ്‌ഫോമിലുണ്ടായിരുന്നവര്‍ ബഹളംവച്ചതിനെ തുടര്‍ന്ന് ട്രെയിന്‍ നിര്‍ത്തുകയും താഴേക്ക് വീണ യാത്രക്കാരനെ ഉടന്‍ ആശുപത്രിയില്‍ എത്തിക്കുകയുമായിരുന്നു.