കോഴിക്കോട്: താനൊരിക്കലും മാവോയിസ്റ്റല്ലെന്നും അത്തരം ആശയത്തിലേക്കു പോയിട്ടില്ലെന്നും യു.എ.പി.എ കേസില്‍ അറസ്റ്റിലായ അലന്‍ ഷുഹൈബ്. പൊലിസ് കള്ളക്കേസില്‍ കുടുക്കിയതാണ്. പിന്നിലെ കാരണമറിയില്ലെന്നും അലന്‍ കോടതിയില്‍ ഹാജരാക്കാന്‍ കൊണ്ടുവന്നപ്പോള്‍ മാധ്യമങ്ങളോട് പറഞ്ഞു. യു.എ.പി.എ നിലപാടില്‍ നിന്ന് സര്‍ക്കാര്‍ പിന്നോട്ട് പോയത് ശരിയായില്ല. അതില്‍ പ്രതിഷേധമുണ്ട്. പാര്‍ട്ടിയില്‍ നിന്ന് പുറത്താക്കിയത് സ്വാഭാവിക നടപടി മാത്രമാണ്. സര്‍ക്കാര്‍ ഒപ്പമുണ്ടോയെന്ന് അറിയില്ലെന്നും പൊലിസ് കള്ളക്കേസില്‍ കുടുക്കിയതാണെന്നും അലന്‍ ഷുഹൈബ് ആരോപിച്ചു.

അതേ സമയം അലന്‍ ഷുഹൈബിനെ ഈ മാസം 15വരെ കോടതി പൊലിസ് കസ്റ്റഡിയില്‍ വിട്ടു. ജയില്‍ വാര്‍ഡന്മാര്‍ മോശമായി പെരുമാറുന്നെന്ന അലന്റെ പരാതി രേഖപ്പെടുത്തിയ ശേഷമാണ് കസ്റ്റഡിയില്‍ വിട്ടത്.