കോട്ടയം : സംസ്ഥാനത്ത് സ്വകാര്യമേഖലയില്‍ വ്യവസായ എസ്റ്റേറ്റ് സ്ഥാപിക്കുന്നതിന് വ്യവസായ വാണിജ്യ വകുപ്പ് നടപടികള്‍ ആരംഭിച്ചു.  
വ്യവസായത്തിന് അനുയോജ്യമായതും  പരിസ്ഥിതി പ്രശ്‌നമില്ലാത്തതും കൃഷി ഭൂമിയല്ലാത്തതും തീരദേശ പരിപാലന മേഖലയില്‍പ്പെടാത്തതുമായ 50 ഏക്കറോ അതില്‍ കൂടുതലോ ഉള്ള ഭൂമിയാണ് സ്വകാര്യ വ്യവസായ എസ്റ്റേറ്റായി രൂപപ്പെടുത്താവുന്നത്.
ഇവയ്ക്ക് ആവശ്യമായ അടിസ്ഥാന സൗകര്യങ്ങളായ റോഡുകള്‍, വൈദ്യുതി എന്നിവ സ്ഥാപിക്കുന്നതിനായി 2  കോടി രൂപ വരെ സര്‍ക്കാര്‍ നിക്ഷേപമായി ലഭിക്കും. സ്വകാര്യ വ്യവസായ എസ്റ്റേറ്റ് സ്ഥാപിക്കുന്നതിനായി വ്യക്തികള്‍, ചാരിറ്റബിള്‍ സൊസൈറ്റികള്‍, വ്യവസായ സംരംഭങ്ങളുടെ ക്ലസ്റ്ററുകള്‍ എന്നിവര്‍ക്ക് അപേക്ഷ സമര്‍പ്പിക്കാം.
കൂടുതല്‍ വിവരങ്ങള്‍ താലൂക്ക് വ്യവസായ ഓഫിസുകള്‍, ജില്ലാ വ്യവസായ കേന്ദ്രം എന്നിവിടങ്ങളില്‍ നിന്ന് ലഭിക്കും.
ഫോണ്‍: താലൂക്ക് വ്യവസായ ഓഫിസ്, കോട്ടയം (9495110855), കാഞ്ഞിരപ്പള്ളി (9446922044), മീനച്ചില്‍ (9447430586), വൈക്കം (9497664977),ചങ്ങനാശ്ശേരി (9447029774),ജില്ലാ വ്യവസായ കേന്ദ്രം, കോട്ടയം (2573259).